Meer oor ons

Die Mynwerkersunie het gedurende die 1960's besluit om 'n studiefonds te stig.

Die rede: so min Afrikaanse studente kon deestyds bekostig om te studeer. Dit het gelei tot twee belangrike inisiatiewe.

Die eerste projek was om fondse te werf vir die bou van die deestydse Randse Afrikaanse Universiteit. Die tweede projek het ten doel gehad om 'n volhoubare studiefonds te stig.

Gebore uit ŉ kultuur om mekaar te help, het Solidariteit Helpende Hand se Studietrust oor die afgelope 16 jaar reeds R340 miljoen aan 7000 behoeftige studente toegeken.

Laai ons brosjure af!

ONS VISIE

Ons Droom vir die studietrust is dat elkeen wat wil studeer dit moet kan doen. Ons wil verdienstelike studente met studiehulp help om hulle volle potensiaal te verwesenlik.

Ons wil jongmense nie net vir hul beroepe op lei nie, maar hulle ook met kennis toerus sodat hulle hul roeping kan uitleef. Sodat hulle nie net 'n werk kry nie, maar eerder 'n suksesvolle loopbaan kan hê.

ONS MISSIE

Helpende Hand Studietrust wil gemeenskapsontwikkeling en maatskaplike welsyn bevorder deur opleiding, opvoeding en onderrig. Om Studente die geleentheid te gee om verder te gaan studeer.

Die hart van die Studietrust word weerspieël in die kragtige simboliek van "SEWE GENERASIES VAN HOOP GEGROND IN STUDIE".

16 jaar

R340 miljoen

7000 studente

Die Studietrust is ŉ inisiatief van Solidariteit Helpende Hand en is in 2009 gestig as platform vir donateurs om behoeftige Afrikaanse studente te help om deur middel van rentevrye studielenings te studeer. Die rentevryestudieleningmodel verskaf ŉ volhoubare sirkelbenadering tot kontinuïteit wat die volgende student of studente die geleentheid bied om met ŉ rentevrye studielening te studeer.

Nadat die kursus voltooi is, moet die rentevrye studielening terugbetaal word oor dieselfde aantal jare as wat die studie geduur het.

Solidariteit Helpende Hand is ŉ geregistreerde openbare weldaadorganisasie (OWO), wat beteken dat ŉ donasie aan die Studietrust belastingvoordele inhou vir die donateur. ŉ Donasie aan die Studietrust kan u belasbare inkomste met tot 10% verminder.

Benewens die belastingvoordeel wat u ontvang, verrig u ook ŉ weldaad deur ŉ behoeftige Afrikaanse student se studiedroom te verwesenlik.