Solidariteit Helpende Hand is ʼn geregistreerde openbare weldaadorganisasie (OWO), wat beteken dat ʼn donasie aan die Studietrust belastingvoordele inhou vir die donateur. ʼn Donasie aan die Studietrust kan u belasbare inkomste met tot 10% verminder. Benewens die belastingvoordeel wat u ontvang, verrig u ook ʼn weldaad deur ʼn behoeftige Afrikaanse student se studiedroom te verwesenlik.

Donasies wat aan die Helpende Hand Studietrust gemaak word, is van belasbare inkomste aftrekbaar. Ons is dus gemagtig om ʼn Artikel 18A-belastingsertifikaat uit te reik. Stuur u bewys van betaling na [email protected] vir die uitreik van u belastingsertifikaat.